அதிமுக – திமுகவுக்கு இடையே மட்டுமே போட்டி: ராயபுரத்தில் எடுபடாத பிற கட்சிகளின் பிரசாரம்

சென்னை ராயபுரம் தொகுதிக்கு இதுவரை நடைபெற்ற சட்டப்பேரவை தேர்தல்களில் திமுக 7 முறையும், அதிமுக 5 முறையும், காங்கிரஸ் 2 முறையும் வெற்றி பெற்றுள்ளது. அதிக வெற்றிகளின் அடிப்படையில் பார்த்தால் ராயபுரம் தொகுதியில் திமுகவுக்கு செல்வாக்கு இருப்பதுபோல் தெரிகிறது. திமுக தொடங்கப்பட்ட இடம் ராயபுரம். திமுகவின் முதல் தலைமை அலுவலகமும் ராயபுரத்தில்தான் உள்ளது.

ஆனால், 2001-ம் ஆண்டு முதல் தொடர்ச்சியாக நடந்த 4 சட்டப்பேரவை தேர்தல்களிலும் அதிமுகவே வெற்றி பெற்றுள்ளது. அதுவும், தற்போதைய மீன்வளத்துறை அமைச்சரான டி.ஜெயக்குமாரே 4 முறையும் களம் கண்டு வெற்றி பெற்றுள்ளார். 1996-ம் ஆண்டு சட்டப்பேரவை தேர்தலில் போட்டியிட்ட ஜெயக்குமார், திமுக வேட்பாளர் மதிவாணனிடம் தோற்று விட்டார். தற்போது மீண்டும் திமுக வேட்பாளர் மூர்த்தியை எதிர்த்து போட்டியிடுவது குறிப்பிடத்தக்கது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்